দ্বিতীয় মহাসমৰ কালত নেতাজী সুভাষচন্দ্ৰ বসুৰ নেতৃত্বত ভাৰত-ব্ৰহ্মদেশ সীমান্তত ‘আজাদ হিন্দ ফৌজ’ৰ বীৰ জোৱাসকলে স্বাধীনতাৰ যি শেষ সংগ্ৰামৰ সূচনা কৰিছিল তাৰেই শৌৰ্য-গাথা বিশেষ ৰূপত বৰ্ণিত হৈছে ‘ফৌজী কাহিনী : ১৯৪৩-৪৫’ গ্ৰন্থখনিৰ বাৰটা অধ্যায়ত৷ নেতাজী আৰু আজাদ হিন্দ ফৌজৰ সৈনিকসকলৰ বীৰত্বপূৰ্ণ সংগ্ৰাম আৰু আত্মদানৰ এই ঐতিহাসিক ঘটনাৱলীত সন্নিৱিষ্ট হৈছে অসমৰো দুই আজাদী সৈনিক উমেশ চন্দ্ৰ দেৱচৌধুৰী আৰু শ্ৰীদাম চন্দ্ৰ মহন্তৰ দেশপ্ৰেম আৰু স্বাধীনতা-ৰণৰ দুৰন্ত কাহিনী৷ প্ৰবীণ সাহিত্যিক তথা সাংবাদিক ৰূপম বৰুৱাৰ এই গ্ৰন্থখনে স্বাধীনতাৰ সংগ্ৰামত ১৯৪৩-৪৫ চনৰ দ্বিতীয় বিশ্বযুদ্ধৰ প্ৰেক্ষাপটত নেতাজী সুভাষৰ নেতৃত্বত আজাদ হিন্দ ফৌজৰ বীৰ জোৱানসকলৰ দেশপ্ৰেম, সাহস আৰু ত্যাগৰ অবিস্মৰণীয় কাহিনী বৰ্ণনা কৰিছে।